Laif-Uffnaame gits naduurgemäss kaini aber mit hänn d Värs trotzdäm yygsunge
aifach under em Bangg uffs Dreiegg gligge und mer föön aa singe, falls es e Uffnaam git.
aifach under em Bangg uffs Dreiegg gligge und mer föön aa singe, falls es e Uffnaam git.
Mir sinn für Sii go Spitzesportler frooge:
"Was mache Sii in iirer freye Zyt?"
Dr Rotscher isch vom Fäderball aazooge,
d Martina gniessi d Friehpension und rytt.
Dr Schumi schuttet gärn e bitz und s Pätty isch gärn rammlig
und dr Pascal Zuberbiehler pflägt sy Füürzüügsammlig.
"Was mache Sii in iirer freye Zyt?"
Dr Rotscher isch vom Fäderball aazooge,
d Martina gniessi d Friehpension und rytt.
Dr Schumi schuttet gärn e bitz und s Pätty isch gärn rammlig
und dr Pascal Zuberbiehler pflägt sy Füürzüügsammlig.
Dr Swisscom Umsatz könnt jetzt kollabiere,
me wott de Zürcher d Vorwahl "0-1“ nää!
Die hänn scho hütt Probleem mit memoriere,
ai Zahl mee wurd’ne glatt dr Räschde gää.
Mir Schörloggs gseen nit yy, wieso me d Zürcher so mues quääle,
mir wurde aifach wyterhii fürs Ussland "00" wääle.
me wott de Zürcher d Vorwahl "0-1“ nää!
Die hänn scho hütt Probleem mit memoriere,
ai Zahl mee wurd’ne glatt dr Räschde gää.
Mir Schörloggs gseen nit yy, wieso me d Zürcher so mues quääle,
mir wurde aifach wyterhii fürs Ussland "00" wääle.
Dää Mäss-Durm isch e Wucht, das darf me sage;
ai Stogg pro Wuche macht ys alli baff.
Mir hänn mit dääre Laischtig alli gschlage,
sogar Nuu Yorgg wird im Verglyych zem Kaff!
Au s Risiko vom Terror kasch dangg "Swiss" relativiere,
denn woo kai Flugverkehr me isch, ka nümme vyl bassiere.
ai Stogg pro Wuche macht ys alli baff.
Mir hänn mit dääre Laischtig alli gschlage,
sogar Nuu Yorgg wird im Verglyych zem Kaff!
Au s Risiko vom Terror kasch dangg "Swiss" relativiere,
denn woo kai Flugverkehr me isch, ka nümme vyl bassiere.
Mir Schörloggs sinn gottlob nur Schnitzelbänggler,
mir setze uff kai Fall iir Gäld in Sand.
Ze däm Zwägg git s zem Glügg die andre Bänggler,
die mit Visioone, Aggzie und Verstand.
Speziell em Ebner sy Visioon isch e Glanzidee:
Visioon haisst nämmlig, ass d Milljoon, wo du iim gisch, hesch gsee!
mir setze uff kai Fall iir Gäld in Sand.
Ze däm Zwägg git s zem Glügg die andre Bänggler,
die mit Visioone, Aggzie und Verstand.
Speziell em Ebner sy Visioon isch e Glanzidee:
Visioon haisst nämmlig, ass d Milljoon, wo du iim gisch, hesch gsee!
Dr Simi, die olympisch Aidaags-Fliege,
hett das Joor mit em Fliege haillos Mieh.
Und d Swiss, als Sponsor, duet das arg betriebe,
anstatt doo druss die rächte Leere zieh:
Bym Streggenaagebot könnt d’Swiss dr Simi glatt kopiere
und sich mit Gwünn uff mittleri Distanze limitiere.
Dr Dosé dänggt, au yych stand uff dr Schanze zmitts im Winter;
s goot nümme lang, no grieg au yych dr grossi Schutt in Hinter.
hett das Joor mit em Fliege haillos Mieh.
Und d Swiss, als Sponsor, duet das arg betriebe,
anstatt doo druss die rächte Leere zieh:
Bym Streggenaagebot könnt d’Swiss dr Simi glatt kopiere
und sich mit Gwünn uff mittleri Distanze limitiere.
Dr Dosé dänggt, au yych stand uff dr Schanze zmitts im Winter;
s goot nümme lang, no grieg au yych dr grossi Schutt in Hinter.
Dasch stargge Dubagg und mir sinn dergeege,
e Basler Stadtroman go schryybe loo.
Was dien d Dubagg–Kolleege überleege,
ass die e soone Saich uss Wien löön koo?
Vyl Gäld griegt dää Petschinka zem sy Schundroman vollände,
wo jetzt d Kolleege syddewyys im Aa-Bee dien verwände.
e Basler Stadtroman go schryybe loo.
Was dien d Dubagg–Kolleege überleege,
ass die e soone Saich uss Wien löön koo?
Vyl Gäld griegt dää Petschinka zem sy Schundroman vollände,
wo jetzt d Kolleege syddewyys im Aa-Bee dien verwände.
Dr TGV uff Blootze fahre z losse,
zem Euro-Airport, dasch e Glanzidee;
mit Bahn-Aaschluss diräggt an d Aidgenosse,
und au zer Dütsche Baan und ICE.
In fümf Joor frogt dr Hansli denn mit Gwunder in dr Stimm:
"Du, Babbi, stimmt s, dass friehner doo au Fluugi glandet sinn?"
zem Euro-Airport, dasch e Glanzidee;
mit Bahn-Aaschluss diräggt an d Aidgenosse,
und au zer Dütsche Baan und ICE.
In fümf Joor frogt dr Hansli denn mit Gwunder in dr Stimm:
"Du, Babbi, stimmt s, dass friehner doo au Fluugi glandet sinn?"
Dr Saddam-Schurgg und au dr Schurgg Osama
erschynen em George Duubeljuu im Draum.
Dä wälzt sich in sym Stars-and-Stripes Pyjama,
fletscht mit de Zeen und brüllt: "I’ll bomb you down!"
Dr Schrööder kunnt als Friidens-Duube
und zwitscheret: "Myy Schätzeli,
dängg nümm an Irak, schloof e Bitz und nimm nomool e Brätzeli!"
erschynen em George Duubeljuu im Draum.
Dä wälzt sich in sym Stars-and-Stripes Pyjama,
fletscht mit de Zeen und brüllt: "I’ll bomb you down!"
Dr Schrööder kunnt als Friidens-Duube
und zwitscheret: "Myy Schätzeli,
dängg nümm an Irak, schloof e Bitz und nimm nomool e Brätzeli!"
Kuum hänn si d Queen verstaut, kurz noonem Zoobe,
goot z Buckinghäm dr Zappel richtig loos.
S sinn d Butler mänggmool unde, mänggmool oobe,
au d Royals ghöör men ächze bis uff d Strooss.
Und wenn vor Zappel und Gerappel d Butler nümme battle,
löön d Royals d Butler schlabb loo ligge und dien d Rösser sattle!
goot z Buckinghäm dr Zappel richtig loos.
S sinn d Butler mänggmool unde, mänggmool oobe,
au d Royals ghöör men ächze bis uff d Strooss.
Und wenn vor Zappel und Gerappel d Butler nümme battle,
löön d Royals d Butler schlabb loo ligge und dien d Rösser sattle!
Au mir dien d’NZZ nur schlächt verdraage;
poliddisch isch sy faad, es fäält an Speuz.
Kai Wunder blatzt em Schubarth doo dr Graage,
sy schrybt jo über iin au gar nie Gfreuts.
Es syg jo nur dr Hueschte gsii und zimmlig dumm verloffe,
denn ooni Hueschte hätt är doch dä Zürcher sicher droffe!
Me gseet, wie jetzt im Bundesgricht e hälle Uffruehr looderet:
Hii und doo wird s Rächt no gsproche, maischtens aber gchooderet!
poliddisch isch sy faad, es fäält an Speuz.
Kai Wunder blatzt em Schubarth doo dr Graage,
sy schrybt jo über iin au gar nie Gfreuts.
Es syg jo nur dr Hueschte gsii und zimmlig dumm verloffe,
denn ooni Hueschte hätt är doch dä Zürcher sicher droffe!
Me gseet, wie jetzt im Bundesgricht e hälle Uffruehr looderet:
Hii und doo wird s Rächt no gsproche, maischtens aber gchooderet!
